لقيت طريق الخــلاص .........دفــنت قـلبى ومات فيا الأخلاص

حرام عليك يا قلبى .......ضيعتنى, قتلتنى , موتتنى
ادام الناس انا عايش بيك ...بينى وبينك مصيرى فى ايديك
بحاول اضمك واقفل عليك ...ماتشوفش حد ..ماتحبش حد ...ما تتعلقش بحد
بس دايما تخوننى يا قلبى وتدور على نصك التانى
روحى رافضة ...عقلى رافض ....كلى رافض ....وانت لية بتعاند يا قلبى
لو هتفضل سبب حزنى وتعاستى ....خلاص هادفنك هادفنك فى ابعد حتة واسيبك ومش راجع عمرك ما كنتى منى ....وعمرى ما كنت ليك
مش عارف انت اللى ملكتنى ...ولا انا اللى ملكتك
اللى اعرفة ...أنى بايدي دول هاقتلك
هاعيش من غيرك ...بدل ما انا ميت بيك عايز افكر واعيش و الاقى سعادتى ...وانت بترجعنى لورا
عمرى ما هاقول دة كان حتة منى ...عمرى ما هاقول دة قلبى
علشان انت عمرك ما كنت ملكى ...دايما ملك غيرى
بتحب الحب ....بتحب العشق .....بتحب السهر
مش عارف ازاى كنت قــلبى....عايش مستنى حبك
نفسك تعيش بقربة ....ترتاحلة وتحس نبضة وتطمنةبتتكسر وتحب .....بتنظلم و تحب ....بيتقسى عليك وتحب لية مش عارف تعيش وحيد ...لأية دايما عايز شريك
عمرك ما هتلاقى ملاك يحافظ عليك ويراعيك
ماتخلقش اللى يحفظك ويصونك ويحميك
هارتاح منك يا قلبى .....وادفنك
حتى لو هادفنك جوايا .....هتكون مجرد نبض ليا هاقتل احساسك ...هاقتل مشاعرك ...هتبقى حجر
كان نفسى تبقى صاحبى ...نحب سوا ..ونعشق سوا ونسهر وندوب فى احلى هوا
بس انت اخترت طريقك .....عايز حد غيرى يعيش معاك ...على امل انة يملك هواك
خلاص خدت قرارى , قتللتك ودفنتك يامان
بكرة يسالونى عنك واقول ياااااااااة دفنتة وسيبتة بعيد وعايش من غيرة بقالى زمان لو انت معايا عشان تعيشنى ..مش عايز اعيش
لو معايا عشان جوايا احساس ....فخلاص مات الأحساس
كنت عدوى وعايش معايا ......قتلتك ورميتك وكرهتك
ايوة كرهتك يا قلبى .......وقتلت احساسى بالفرحة
مابقاش فى عزيز ...مابقاش فى غالى
بكرة ميعاد عزاك ....اللى حبيتهم هيجوا يعزوا فيك
اللى كانوا هيملكونى بيك ....انت قلتلهم بايدككلة هيجى والدموع فى عينية ....وانا يوم ميلادى يوم ما دفنتك
هابقى واحد تانى ...هابقى كتلة حجر ...جماد عايش بيتعايش زية زى خلق الله
هيخسر قلب كان هينفعة ....فى زمان تانى
ياخسارة يا قلبى
البقاء لله